सूर्य जवाहिऱ्या
 |
| मिलिंद पदकी |
|
न्यू जर्सीस्थित औषध-वैज्ञानिक. आता मेडिकल लेखक. २०१७ मध्ये मराठी काव्यसंग्रह "बदकनामा " प्रसिद्ध (ग्रंथाली, मुंबई). मराठी आणि इंग्रजीतून वैज्ञानिक आणि ललित लेखन. |
सूर्य जवाहिऱ्या
सुंदरींच्या केशी / लावी मोती-हिरे
आकाशात फिरे / बारा तास
पुरुषांच्या माथी / प्रकाश-वलय
बरेच ते वय / झाले तरी
पालवीमधून / किरणे फांकती
नक्षी ती काढती / काचेवर
आणिक उघडे / हरिणांचे डोळे
प्रकाशात लोळे / शुभ्र ससा
असा जादूगार / सूर्य जवाहिऱ्या
करीतो किमया / जर्सीवरी
Comments
Post a Comment