जिममध्ये जावेच लागेल!
मिलिंद पदकी |
न्यू जर्सीस्थित औषध-वैज्ञानिक. आता मेडिकल लेखक. २०१७ मध्ये मराठी काव्यसंग्रह "बदकनामा " प्रसिद्ध (ग्रंथाली, मुंबई). मराठी आणि इंग्रजीतून वैज्ञानिक आणि ललित लेखन. सध्या प्रामुख्याने ‘कोव्हिड’विषयक लेखनावर भर. |
जिममध्ये जावेच लागेल!
संध्याकाळ, पाऊस पडतो
पश्चिमेला सूर्य रडतो
"आज नको, दुखतात पाय!"
नाटके नाहीत चालणार, काय?
कपाटातले ‘नायकी’ बूट
आणि चढव जॉगिंग सूट
- जिममध्ये जावेच लागेल!
एक काळी, एक गोरी
शिग्रेट पितात लठ्ठ पोरी
त्यांना नकोस मारू डोळा
करतील तुझा चोळामोळा
मान खाली, हलकेच "हाय!"
म्हणत म्हणत खसकुन जाय,
- जिममध्ये जावेच लागेल!
प्रकाशमान हे टॉर्चर चेंबर
निष्ठेने ते कण्हती मेम्बर
टेस्टोस्टेरॉन-कोटेड नळ्या
सपाट पोटे, नाहीत वळ्या
निसर्गाने दिलेत स्नायू
रगड त्यांना, वाढेल आयु
(कामेच्छाही तुझी जागेल!)
- जिममध्ये जावेच लागेल!
Comments
Post a Comment